Bonaventura Vulcanius (1538 - 1614)
HUGEIANO GROTIO
I.Cto. Poëtae, & Critico eximio.
SEU canis HEROAS, seu MAURITIANA TROPHAEA,
Sive aliud docto carmine condis opus;
Abdita seu veterum Scriptorum sensa recludis,
Graecia quos Orbi protulit, aut Latium:
Omnia, vix sextam egressus trieterida, praestas
Dîa, Camoenarum quae probet ipse pater.
Nil mirum. Delphis etenim nutritus in ipsis,
Plenum Phoebaeo numine pectus habes.
Tota pates Cortina tibi, & Sacraria Phoebi,
Perge ita GROTI; ipsus sic mihi Phoebus eris.
In: Hugo de Groot, Syntagma Arateorum. Leiden, Plantijn (Christophorus Raphelengius) 1600. UBL 569 E 8 en 1009 G 33.