Samuel Tennulius: lofdicht op Nicolaes Witsen: Aeloude en hedendaegsche scheeps-bouw en bestier. Amsterdam, Casparus Commelijn en Jan Appelaer, 1671, fol. **2r. Gebruikt exemplaar: KBH 470 B 13.

HONORI

Illustrissimi viri & nobilissimi Jurisconsulti, Consultissimi
Reip. Amstelodamtensis Senatoris,

NICOLAI WITSENI

Navium regimen & ornatum commentati.

Libens Meritoque posuit

SAMUEL TENNULIUS,

Magnificus Noviomagensis universitatis Rector & Professor.

PRima per instabiles vexit Symplegadas Argo:
Cui freta flammiferos dederunt coëuntia campos,
Bosporus & Scythicae Phoebaei Phasidos undae.
Qualia pertentant repetita prole Leones
(5) Gaudia; servatum venerantur IŠsona matres:
Auditus Pelian frendentem terruit altae
Laetitiae clamor tacitusque triumphus; ut albus
Cum fugit Ešis tigres Hyrcanus in arvis
Raptor, & ereptis metuit sua vulnera praedis.
(10) Hanc Reges pressere ratem. Vos heu quibus illam,
Numina jactastis, fatis quantisque periclis!
Acta metu vario, puppim intercepta loquacem,
Cursum ad terribilis tenuit confinia mortis.
Tunc Virgo Medea suis crudelior undis,
Ivit in omne nefas, conjux viduata marito.
Non tot in occiduo fuerant discrimina ponto,
Cum bene Patificum, ventis bellantibus, aequor
Deprendens, varios per claustra gementia montes,
Dura Magellanes laxavit vincula mundi.