Henricus Harius, 1540-1600 ca.
HENRICI HARII
SICAMBRI I[URIS]C[ONSUL]TI
TRISTIUM LIBRI
NUNC PRIMUM EDITI
CURANTE
HENRICO CANNEGIETERO.
ARNHEMIAE,
Apud J.H. MOELEMANNUM Bibliop.
M D CC LXVI.
LIBER II.
ELEGIA XXII.
ACcipe, Paulle, meas delata recenter ad aures
Nuncia, quae cogor commemorere tibi.
Moenia Trajecti Mosam cingentia, rumor
Serpit ab Hispanis obsidione premi.
(5) Ariete pulsari muros, turresque fragosis,
Quos tormenta vomunt aerea mota, globis.
Ruraque vastari, late, villasque rapinis;
Adflictis Belgis nilque manere super.
Quas pariat clades, quae detrimenta duellum.
(10) Colligis, & non est quo memoretur opus.
Nec libet ingentes toties iterare querelas
Queis nostra indulget Calliopea nimis.
Hoc in amicitiae pugnus tibi, Paulle, volebam
Scribere, quo mea sit mens tibi nota. Vale.