Petrus Rabus (Rotterdam, 12 december 1660 - 13 januari 1702!)

Treurdicht op de dood van Willem den Elger (ca. 1679 - 4 februari 1703!) in diens Gedichten en Rotterdamsche Arcadia. Amsterdam 1726, p. 18-20.
Facsimile bij KBH / books.google
In deze uitgave zijn evidente zetfouten gecorrigeerd en gemarkeerd met een asterisk.
Continue
[p. 18]

ELEGIA

In Obitum

Viri Politissimi

GULIELMI ELGERII JCTI.

AT quid Castalio prodest maduisse liquore,
    Aut hederam docta sustinuisse coma?
Quid Phaebo, et tetricis curam impendisse Camaenis,
    Et studio longos continuasse dies?
(5) Fertur in exsequias ELGERIUS; ite Camaenae,
    Nil mihi cum vestro est, quó lubet ite, Choro.
[p. 19]
Hic sibi Piëria famam spondebat ab arte,
    Orgia per durum vestra secutus iter.
Num minus ereptum frustra lugemus Amici,
    (10) Fingimus et rauco gutture triste melos?
Num minus absentem gemuistis rura Batava,
    Num minus hunc Patria condoluistis aves?
Testor Io! Agricolas, quondam sua numina, Nymphas,
    Teque suburbanis Pan metuende jugis,
(15) Nullius ob funus tantum cepisse dolorem
    Ruricolas Nymphas, ruricolas Satyros.
O quoties ignes cantante Amaryllidos illo
    Rotta haesit, mediis obstupuitque vadis?
De tanto nihil ah! superest nisi funus Amicis
    (20) Flebile, Taenario mox nova praeda deo.
Hei mihi, quam breve vita bonum est! dum credimus Aevo
    Rumpit avernalem Parca severa colum.
Crede bonis Animi dubiis mentique caducae,
    Ille bonae menti deditus, ecce jacet.
[p. 20]
(25) Dotibus aut forma, et fragili confide juventae,
    Non parcit roseis mors inimica genis.
Ecce jaces, juvenum flos unice, nosque relinquens
    Tranabis Stygios flebilis umbra Lacus.
Sed non totus abis. Nos, qui restamus Amici,
    (30) Colligimus Musae tot benefacta tua.
Nos tumulo flores sacrabimus, atque quotannis
    Ter Genio fiet lacte tepente tuo.
Parvus Amor , Charitesque aderunt: et nuda Dione
    Inftituet feftos, me praeeunte, Choros.
(35) Interea Elysii nemoris Spatiatus in umbra
    Applaudes, nostro laetus, Amore, tibi.

GULIELMI ELGERII JCTI.
Continue